大幸

今日朝早8點如常出Brooklyn 8大道買早餐, 然後返工返學.

差唔多去到嘅時候, 綠燈, 過十字路口… 我慣性地用右眼角望咗望右邊one way, 見到架odyssey沖緊過嚟, 我已經知道要準備癩嘢了…

半秒後就撞咗埋嚟, 我縮埋, 尖叫, 然後意識到可寧擰呔向左, 再感覺到衝力……好大的衝力……

到我抬返起頭, 可寧已經沖咗出車門, 行過去果架車度指住車入面嘅人:”你做乜嘢呀! 紅燈呀!!!” 嗯, 果個係一個臺山人.

因為右邊度門開唔到, 我由左邊爬咗出去, 然後好驚好驚好驚…….我不由自主咁行過去果個人度, 佢已經落咗車, 望住前面呆咗, 但我依然指住佢鬧:”你做乜len嘢呀? 死撲街! 你冇走呀! 你同我企喺度呀!” 然後我聽到佢話:”走乜呀!” 我更加激動:”紅燈呀死撲街! 你差d撞len死我呀! 叼你!” 我語氣是帶哭的. 呢次係我生平第一次撞車, 仲要好應, 如果果個人撞歪少少落到門度, 我可能己經唔知喺邊了……

喺我哋仲未反應過嚟嘅時候, 分別有兩個印度人沖埋嚟同我哋講話見到晒佢沖紅燈, 幫我哋做證人, 好多謝佢哋, 省了我哋為自己向警察辯護嘅唇舌. 架車已經完全唔行得, 我拖住可寧, 真係好驚. 我淨係想同佢一齊返屋企……

現在, 車報廢了, 入廠等report出嚟再向保險claim錢. 而最重要嘅, 係人冇事. 呢個時候, 我哋除咗感恩仲可以點? 希望大難不死必有後福.

後來我打電話俾媽咪, 因為事發地點就喺佢公司門口, 雖然佢當時仲未返工, 但佢喺電話度話:”係咪架車nup咗停喺前邊果個死佬? 做乜唔即刻落車醒佢兩巴咋?!” 哈哈, 媽咪, 你好得~~~ 我好懷疑我哋拖車走咗之後佢有冇出門口醒果個還未走嘅佬兩巴?

GOD BLESS!

Advertisements
Posted in 未分类 | 5 Comments

Black Friday 2010

Happy Thanksgiving!

琴日屋企開大party, 請咗成30人嚟, 好擁擠呀~~~~~

而我媽作為主人公, 煮好晒d嘢就落咗basement打牌! 一直打到d人走晒, 就連開餐都唔知! 爛賭婆……然後一如既往好多leftovers, 只火鷄點算呢???

食完d嘢我就一定洗餐死的, 冇影到d嘢食, 我整嘅mashed potatoes好賣座哦! 雖然好簡單的說……=3=”

然後今日Black Friday我係死都唔肯留喺屋企, 約唔到個friend出嚟, 唯有兩個人去”躝街”~ 可寧又話去Mitsuwa, 起! 究竟我哋除咗Mitsuwa仲有冇地方可以去嘅啫?! (不能不提嘅係, HTC HD2影相真係很給力!)

食完嘢都夜了, 因為真係週街好都多人! 話說我未曾試過black friday去隔夜排隊買嘢呢! 可寧試過一次話以後都冇搞佢~~~凍到痴肺又唔係有乜嘢大着數! 所以囉~~~ 咁辛苦做乜呢~~~

可惜的是, 人家有4日long weekend, 我就得2日! 唉…… 為咗慰勞自己, 買咗個小小禮物 — Toy Story 3 figures! 好可愛呀! 又多個collection啦! 哈~~~ 嗯… 我要抓緊時間買個display cabinet返嚟先得了….. 細佬都有個Woody哦!

而且, 喺我極度羨慕國內Sanrio 50週年有送hello kitty公仔嘅時候, 發現呢邊嘅M記都有嘢送!!! 雖然喺d”好約稚”嘅watches, 不過都好可愛的~~~ *^^* 唔使一日時間, 我就換晒返嚟啦!! 哇哈哈哈哈~~~

Posted in 未分类 | 3 Comments

Katie & Brian’s Wedding

今日真正地參加咗個wedding, 係細佬嘅表姐嘅wedding, 很溫馨, 很感人, 很有趣.

由行禮直到晚上party, 我哋參加嘅都攰都傻, 何況主人公? 做女人就係咁啦, 到d咁嘅時候, 又開始想幾時到我呢? 呵呵……

直接去圖~~~ 我是絕對的圖控~~~

Uh………..呢幾籠嘢當然就唔關wedding事, 為咗”漫長”嘅一日, 早上絕對要出Brooklyn醫好個肚先! 好耐冇飲茶, 於是同可寧去咗撐檯腳~~~ 喺茶樓好多爆笑點, 唔係有個0靚仔喺度喪叫, 就係d呀叔喺度講人生大事嘅內容, 再唔係就格點心呀姨講d”古天樂式”嘅普通話~~~ 唐人街真係一個奇地!

搬咗之後好少可以去唐人超市, 出得嚟當然要去入貨!!! 最近唔食得辣嘅我愛上農心嘅kimchi麵! 胃痛都要食!!!

入主題 — 去到酒店同細佬哋會合, 然後出發去church. 細佬今日係花仔, 帥哦!!! (不過套衫特登去度過攞返嚟都係大, 仲要係大得好夸…=3=)

Let me introduce Isabel — 今日嘅花女. 由細個睇住佢大, 好可愛的一個小女孩. 每次見到細佬都黏埋一齊, 細佬真係艷福不淺~~~ 今日都唔例外~~~

呢個時候, 當然要拉住佢兩個影返張先~~~

然後去church嘅途中細佬攰得制瞓到打晒鼻鼾. 辛苦晒啦靚仔~~~

主人公的父母雙雙入場~~~

主人公 — Katie and Brian, 很配很好的一對! (呀…見到細佬個頭……=.=”)

禮成之後過埋cocktail party終于到dinner, 然後, 大家開始瘋狂了……瘋狂地跳舞, 一個我只看不行動嘅節目……然而, 很無奈地被同臺的一個靚女…….非常格硬咁拖咗出去跳! 完全唔識囉……真係多謝晒!

==============================================

因為聽日兩個都要返工, 冇得留喺hotel輕鬆過一晚, party未完就唯有12點飛車返屋企. 好希望下一次參加嘅wedding, 係我哋親密嘅好友嘅wedding, dancing果part我一定會盡情地去跳! 一定!!! Um…..又或者我哋先呢? 哇哈哈~~~

Posted in 未分类 | 6 Comments

入冬

一年一度ING NYC MARATHON估唔到今年喺正屋企門口嚟搞……其實年年都喺度搞, 只不過我哋近年搬入嚟啫……但真係好攞命!!! 封橋封路搞到我哋本來返工嘅要抽時間出嚟調班都算了, 今朝一早6點就開始廣播……”Welcome to the ING NEW YORK CITY MARATHON…(省略百字)”! 嘈到媽都唔認得! 然後琴晚睇<3 Idiots >又睇得晏了wor, 根本就冇點瞓過嘛!!! 然而媽咪同細路好興奮, 晨早落樓下嘈喧巴閉, 算了, 我起身, 捲縮喺梳發度……

好彩唔係封晒d路, 于是我哋去咗outlets. 入冬了, 一直都買唔到外套, 雖然都係嫌貴嘅多 =3=. 而且, 下個Friday就係細佬cousin嘅wedding, 一定要盡快買返條裙先得!

點知都未出Staten Island, 架車就爆胎……好大整蠱囉! 發現兩口長釘!

由11點半行到4點半, 媽咪好得人怕, 買嘢買到細佬架stroller放唔晒, 兩次要攞d袋返架車度先再行得……行到腳都跛, 又眼瞓, 冇隂功……..

最後裙就搵到啦, 但我都係買唔到外套囉……@0@冬天點過呀……”

Posted in 未分类 | 1 Comment

Halloween 2010

So, 今年Halloween連南瓜都冇買個嚟雕下, 又係冇去到parade…究竟我個”扮嘢去癲返餐”嘅意願幾時先可以達成呢??? 返工嘅時候, 戴咗個devil headband就算了, 然后一路做嘢一路派糖, 絕對嘅手忙腳亂!!! 但係見到d細路着得得意, 我都派得落力d~~~

返到屋企已經晚了, 唔可以陪細佬去攞糖, 媽咪話佢怕死到乜咁, 去到人哋屋企見到人哋dress up得恐怖d就嚇到糖都唔攞就走都走唔切……簡直又怕死又反動! 後尾有人按門鈴嚟攞糖嘅時候佢仲驚到要跑入廚房……(= . . =” ) 真係冇用啦……

屋企仲剩低好多糖添ga……dum咗佢又唔係, 唯有得閑攞d返診所派俾d喊嘅細路啦…..就咁樣, 派糖+睇電視就過咗個Halloween啦……

***Happy Halloween!!!***

Posted in 未分类 | 2 Comments

休息日

休息日冇地方去, 然后可寧話死都要食拉麵, 咁唯有都係Mitsuwa嘅啫……不過從今日開始連續10日有個Fall Gourmet Food Fair, 又盡管去睇睇咩回事~

12點去到d攤檔都未開, 得個飯團的, 不過聞說呢家飯團好出名, 又的確幾多人排隊, 于是買返兩三個試下, 個三文魚的很不錯!

食完飯逛咗一圈都買唔到嘢. 其實我有好多嘢想買啦, 冇錢…冇錢…冇錢哪……….! 不過我依然唔死心將僅有嘅幾蚊買咗好耐都冇食嘅甜品……=P 不過個matcha pudding真的好好味!

然后逛書店嘅時候, 見到以下呢本書, 我發傻了, 要同本書合照! 琴晚先睇完佢哋四個上嘅節目, 今日又見到本書, 今晚發夢可以再見見麼? 唔得嘅話, 就妻夫木聰一個可以嗎?!!! (細張d細張d, 費事臉上d豆嚇死大家= =”)

最后, 又照相去了… 然後又凍到死死下咁上車返舊屋進行最後一次嘅清潔! 住咗7年多嘅1969, 多謝照顧了! T^T 我會懷念你的!

Posted in 未分类 | 6 Comments

入秋

轉咗過嚟Wordpress咁耐, 終于肯寫返d嘢了. 總有點唔習慣…=3=”

由九月尾開始搬屋到依家, d嘢都仲未執好, 傢私又未到. 房間變大了, 反而唔知應該點運用… 我唔中意將空間塞到滿晒, 又俾媽咪話我房空……空就空吧……whatever啦……

今日兩個都放假, 于是上山! 哦呵呵, 係屋企隔離嘅公園. 用嚟晨運或者飯后散步係十分之一流的! 不過入秋了, 好大風, 又近海, 行兩步臉都青埋……好吧, 我口腫臉腫, 總之成個人就一腫字!

放假當然係唔得閑嘅…(T – T)! 不過我哋用神速搞掂晒還機頂盒, 寄嘢, 換車牌, 買E-Z Pass! 仲食買個粥添! 所以剩下嘅時間, 又去咗IKEA……冇辦法啦, 我哋d窮鬼係去IKEA先買到嘢, 而且又真係幾好用呀嘛……再者, 架車裝唔晒, 所以都仲要搵時間去過……~~(* 3 *)~~

IKEA嘅下午茶哦哦哦~~~ 透過玻璃可以清清楚楚見到自女神呀(見到後面那一丁點嗎…)~~~ 不過我日日過ferry都厭見到嘔了… 以前嘅觀光線變成我嘅放學路綫… 好笑嗎? 好笑嗎?!?!! 女神在恥笑我……

于是, 又搬咗3張電腦椅返屋企兼3張地毯, 而且終于買咗個”八爪魚”coat stand! 方便我哋兩個專將d衫亂掉嘅人! 然後….然後荷包又哭了….

Posted in 記事, 兴趣, 心情, 旅游 | 2 Comments