"卒業おめでとう!"
很多朋友都要畢業了, 自覺十分慚愧之餘, 還係好開心好開心的!
特別係可寧終于都要行畢業典禮了, 我應該俾佢更加興奮吧!?
忙忙碌碌定咗機票, 又改早到8點嘅機飛多俾幾舊水返Chicago, 都係為咗呢件大事.
起碼對于我嚟講, 呢件係一件重大嘅事.
一落機, "嘩~~~好凍呀!!!"
嗯, Chicago大風我係知道嘅…但溫差使唔使咁大呀?!
搭返CTA返可寧屋企, 真懷念呢……感覺好似放學返屋企一樣……T T……好掛住好掛住……
放低行李就即刻鏟上旺角小廚! 兩個餓鬼5分鍾嚓完個lunch!
真係唔好意思…朋友未嚟之前就嚓完咗……失禮曬 =P
好開心一嚟到就見到Vicky, Nicole, Minnie, 同張維! XD 仲開心嘅係又有得去久違嘅Mitsuwa!!! XD
行程十分緊湊, 飛車返到city去hotel接埋媽咪哋去可寧屋企.
嗯, 第一次嘅家長見面. 而且, 係好熱閙嘅見面~~~ 呵呵~~~
一直搞到晚上, 終于可以休息, 但依然瞓唔着……應該唔係興奮, 係又發病!!!
親愛嘅鼻涕, 請你唔好流出雙孔……
終于, 到咗星期六, 畢業典禮當日.
電話未停過, 告知邊個邊個地址, 知道邊個邊個會嚟, 幫邊個邊個霸位……真忙碌!
重點係, 天氣依然好凍好大風!!! 而我…係着裙的…而且冇帶legging!!! 真係要多謝Nicole, 冇你, 我兩條象腿要變冰鮮了! T T
又搞咗一大輪先終于喺pavilion坐落嚟……
地方好大好靚, 啊……幾時到我呢? 不過估死NYC d"lup dup"學校都唔會有咁靚嘅地方……
坐喺度聽"廢話"聽咗個幾鐘, 終于上台了!
睇可寧緊張到…搞到我都緊張埋…hold機hold到震晒……
叫到可寧名嘅時候, 我係用重感冒嘅沙聲叫到聲嘶力竭了!!! 當然, 其實朋友上台我都係有叫的, 哈哈, 冇晒儀態~~~
不過又要叫, 又要影相, 又想睇住熒屏, 搞到冇樣做得好……= 3 ="
到典禮結束了, 細佬攞住扎花等可寧經過, 好一個"送花的小男孩".
左望望, 右望望, "可寧呢? 可寧喺邊度呀?"
接落嚟當然係期待已久嘅室外影相!
點知一出到去…落雨……O嘴唔到5分鍾, 就出咗陽光, 只可惜, 陽光不及風大.
臨急臨忙影咗幾張 (其實都好多…=P) 就算了, 好可惜同朋友影嘅唔夠多呢……
三日兩夜, 就咁就結束咗我哋嘅畢業典禮trip.
好想好想好想可以多留幾日, 陪陪家人, 陪陪朋友, 陪陪芝加哥.
嗯, 努力儲錢summer再返去!!!
朋友們, Congrats! 可寧, Congrats!
Sweet Summer Days 